უნგრეთის პარლამენტმა მიიღო კანონი LGBTQ+ თემის მიერ „პრაიდის“ მარშის ჩატარების აკრძალვის შესახებ

უნგრეთის პარლამენტმა მიიღო კანონი LGBTQ+ თემის მიერ „პრაიდის“ მარშის ჩატარების აკრძალვის შესახებ. ინფორმაციას ამის შესახებ სააგენტო Reuters ავრცელებს.

მიღებული კანონი არეგულირებს შეკრების უფლებას და კრძალავს ისეთი შეკრების ჩატარებას, რომელიც არღვევს ბავშვთა დაცვის შესახებ კანონში არსებულ აკრძალვას.

კანონი აგრეთვე უფლებას აძლევს პოლიციას გამოიყენოს სახის ამომცნობი კამერები, რათა მარშში მონაწილეების იდენტიფიცირება მოახდინოს.

კანონის თანახმად, პირები, რომლებიც მარშს მოაწყობენ, დაჯარიმდებიან.