„რძის ნიმუშებში აფლატოქსინი გამოვლინდა“ - სურსათის ეროვნული სააგენტო განცხადებას ავრცელებს
1743684031
უნგრეთი სისხლის სამართლის საერთაშორისო სასამართლოდან გასვლას გეგმავს.
ამის შესახებ ინფორმაციას „რადიო თავისუფლების“ უნგრული ბიურო ავრცელებს.
როგორც მედიასაშუალებისთვის გახდა ცნობილი, ამის შესახებ იუსტიციის მინისტრმა, ბენცე ტუჟონმა გასულ კვირას ელჩებთან დახურულ შეხვედრაზე განაცხადა.
ჰააგის სასამართლოდან უნგრეთის გასვლას უნგრეთის პარლამენტმა უნდა უყაროს კენჭი.
ინიციატივის ხმათა უმრავლესობით დამტკიცების შემთხვევაში იწყება ოფიციალურად გასვლის პროცესი, რაც შესაძლოა, ერთი წელი გაგრძელდეს.
მედიასაშუალების წყაროს ცნობით, დადგენილების პროექტი უნგრეთის ეროვნული კრების ვებგვერდზე, შესაძლოა, უახლოს პერიოდში გამოქვეყნდეს.
დღეს უნგრეთში ვიზიტით ისრაელის პრემიერ-მინისტრი ბენიამინ ნეთანიაჰუ ჩადის, რომლის წინააღმდეგაც ჰააგის სისხლის სამართლის საერთაშორისო სასამართლოს დაკავების ორდერი აქვს გაცემული.
უნგრეთის პრემიერ-მინისტრმა, ვიქტორ ორბანმა 2024 წლის ნოემბერში განაცხადა, რომ ჰააგის სასამართლოს ორდერს არ შეასრულებდა.
