უკრაინაში „უკრენერგოს“ ყოფილი ხელმძღვანელი კორუფციის ბრალდებით დააკავეს

უკრაინის საგამოძიებო ბიურომ სახელმწიფო კომპანია „უკრენერგოს“ ყოფილი ხელმძღვანელი ვოლოდიმირ კუდრიცკი კორუფციის ბრალდებით დააკავა.

საქმე ეხება დიდი ოდენობით თანხის გათეთრებასა და თაღლითობას. გამოძიება კუდრიცკისა და ბიზნესმენ იგორ გრინკევიჩს სახელმწიფო კომპანიის კუთვნილი თანხის ტენდერების ჩატარების გზით მითვისებას ედავება.

საქმეშია ასევე ყალბი დოკუმენტების გამოყენებაც. ბიზნესმენი სხვა კორუფციულ საქმეზე უკვე იხდის სასჯელს, თუმცა დანაშაულის დამტკიცების შემთხვევაში მას პატიმრობის ვადის გაზრდა ემუქრება.