თურქები ბერძენ მაშველებს წითელი ყვავილებით ემშვიდობებიან

დიდმა ტრაგედიამ, რომელიც თურქეთში მოხდა, მეზობელი ქვეყნები უფრო დააახლოვა.

სპეციალური მისიების ჯგუფის მოხალისეები მიწისძვრით დაზარალებული ტერიტორიებიდან მიდიან და თურქები მათ წითელი ყვავილებით ემშვიდობებიან. 

„ჩაგვეხუტნენ და ბერძნულად გვითხრეს „მადლობა“. ეს არის განსაკუთრებული გრძნობები, რომლებიც არასდროს დაგვავიწყდება, სამწუხაროდ, გვიწევს, რომ წავიდეთ, რადგან არსებობს სამაშველო პროტოკოლი, რომელიც უნდა დავიცვათ. ჩვენ ვბრუნდებით იმ შემზარავი შთაბეჭდილებით, რომლებმაც შოკში ჩაგვაგდო“. - ამბობს მისიის ხელმძღვანელი, გიორგოს რუმელიოტი.

ბერძნებმა, ასევე, თურქეთსა და სირიაში უზარმაზარი რაოდენობის ჰუმანიტარული დახმარებაც გააგზავნეს.