ტრამპი რუსეთისთვის დამატებითი სანქციების დაწესებას არ გამორიცხავს

აშშ-ის პრეზიდენტმა დონალდ ტრამპმა არ გამორიცხა, რომ რუსეთს დამატებით სანქციებს დაუწესებს.

ჟურნალისტების კითხვაზე, განიხილავს თუ არა ის რუსეთის წინააღმდეგ დამატებითი სანქციების შემოღების შესაძლებლობას, თეთრი სახლის ლიდერმა უპასუხა: „თქვენ ამას გაიგებთ“.

ცნობისთვის, აშშ-ის ხაზინის დეპარტამენტმა უმსხვილეს რუსულ ნავთობკომპანიებს „როსნეფტსა“ და „ლუკოილს“ გასულ კვირას სანქციები დაუწესა. როგორც ხაზინის დეპარტამენტის მიერ გავრცელებულ ინფორმაციაშია აღნიშნული, სანქციების შემოღების მიზეზი არის ის, რომ რუსეთი უკრაინაში ომის დასრულებასა და სამშვიდობო პროცესს მხარს არ უჭერს.