ტრამპი კითხვაზე, დაესწრება თუ არა ზელენსკი ალასკაზე დაგეგმილ მოლაპარაკებებს: ის ამ პროცესის ნაწილი არ ყოფილა

აშშ-ის პრეზიდენტს, დონალდ ტრამპს ჰკითხეს, დაესწრება თუ არა ვოლოდიმირ ზელენსკი პარასკევს ალასკაზე დაგეგმილ მოლაპარაკებებს ვლადიმირ პუტინთან.

„ის ამ პროცესის ნაწილი არ ყოფილა“, - განუცხადა ტრამპმა ჟურნალისტებს.

„ვფიქრობ, მას შეუძლია დასწრება, მაგრამ ის ბევრ შეხვედრას დაესწრო, სამნახევარი წელი იყო აქ და არაფერი მომხდარა“, - აღნიშნა აშშ-ის პრეზიდენტმა.

ტრამპის თქმით, ის შეძლებს იმის გარკვევას, შესაძლებელია თუ არა შეთანხმების მიღწევა ვლადიმირ პუტინთან შეხვედრის „ალბათ პირველივე ორ წუთში“.