ტრამპი: ევროპა სწორი მიმართულებით არ ვითარდება

აშშ-ის პრეზიდენტის, დონალდ ტრამპის განცხადებით , ამჟამად ევროპა სწორი გზით არ ვითარდება.

„ევროპის გარკვეულ ადგილებს ვეღარ ვცნობთ. სიმართლე რომ გითხრათ, მათ უკვე ვეღარ ვცნობთ. ჩვენ შეიძლება ამაზე ვიდავოთ, მაგრამ ეს უდავოა. მეგობრები სხვადასხვა ადგილებიდან ბრუნდებიან და ამბობენ: „ვეღარ ვცნობ“. ეს არ არის სწორი გზა, ეს არასწორი გზაა. მე მიყვარს ევროპა და მინდა ვნახო ის წარმატებული, მაგრამ ახლა ის სწორი მიმართულებით არ ვითარდება“, - განაცხადა ტრამპმა დავოსის მსოფლიო ეკონომიკურ ფორუმზე სიტყვით გამოსვლისას.