ტრამპი დარწმუნებულია, რომ რუსეთი ნატოს არ დაესხმება

აშშ-ის პრეზიდენტმა, დონალდ ტრამპმა განაცხადა, რომ ის დარწმუნებულია, რომ რუსეთი ნატოს წევრ ქვეყნებს თავს არ დაესხმება.

„არა. ამის პატარა შანსიც არ არსებობს“, - უპასუხა ტრამპმა ჟურნალისტის მიერ დასმულ კითხვას, შესაძლოა თუ არა, რომ რუსეთი ნატოს თავს დაესხმება.

ცნობისთვის, უკრაინის პრეზიდენტმა ვოლოდიმირ ზელენსკიმ ამერიკულ ტელეარხ NBC News-თან საუბარში აღნიშნა, რომ რუსეთი აპირებს თავს დაესხას პოლონეთს ან ლიეტუვას.