ტრამპი აცხადებს, რომ ჰარვარდის უნივერსიტეტს გადასახადებისგან გათავისუფლების სტატუსს უუქმებს

აშშ-ის პრეზიდენტი დონალდ ტრამპი აცხადებს, რომ ჰარვარდის უნივერსიტეტს გადასახადებისგან გათავისუფლების სტატუსს უუქმებს.

„ეს არის ის, რასაც ისინი იმსახურებენ“, – დაწერა აშშ-ის პრეზიდენტმა სოციალურ ქსელში.

ამერიკული მედიის ინფორმაციით, გადაწყვეტილებას სავარაუდოდ სამართლებრივი გამოწვევები შეექმნება.

ჰარვარდის პრეზიდენტმა განაცხადა, რომ უნივერსიტეტისთვის გადასახადებისგან გათავისუფლების სტატუსის გაუქმება უკანონო იქნება და საფრთხეს შეუქმნის საგანმანათლებლო მისიის განხორციელების შესაძლებლობას.

მას შემდეგ, რაც ჰარვარდის უნივერსიტეტმა განაცხადა, რომ არ დაემორჩილებოდა ადმინისტრაციის მოთხოვნებს, მათ შორის ანტისემიტიზმის წინააღმდეგ ბრძოლას და კამპუსში მრავალფეროვნების, თანასწორობისა და ინკლუზიურობის პრაქტიკის გამოყენებას, ტრამპმა უნივერსიტეტს მოუწოდა, გაეუქმებინა გადასახადებისგან გათავისუფლების სტატუსი. ადმინისტრაციამ ასევე გაყინა ჰარვარდისთვის განკუთვნილი 2.2 მილიარდ დოლარზე მეტი ფედერალური დაფინანსება.