Tik-Tok-ი Apple Store-დან რუსული მომხმარებლებისთვის გაქრა

Apple-მა გასართობი აპლიკაცია Tik-Tok, Apple Store-დან რუსული მომხმარებლებისთვის ამოიღო, - ამის შესახებ ინფორმაციას Nexta ავრცელებს.

მედიის ცნობით, უკვე ჩამოტვირთული აპლიკაციები მუშაობას აგრძელებენ. მანამდე, „ტიკ-ტოკმა“ რუსეთიდან, მომხმარებლებისთვის ვიდეოების ატვირთვა აკრძალა.

ბოლო მონაცემებით, კიდევ ერთი კომპანია, რომელიც რუსეთს ტოვებს, არის ავტომობილების მწარმოებელი კორპორაცია General Motors. როგორც ცნობილია, კომპანიის მანქანებისა და სათადარიგო ნაწილების რუსეთისთვის მიწოდება შეჩერებულია, ხოლო რუსეთის ოფისის თანამშრომლებს სამსახურიდან გათავისუფლება ემუქრებათ.