„სახლი ქაღალდის ყუთივით ირყეოდა“: გაზიანთეპის მცხოვრები, უკრაინელი მარიას ნაამბობი, როგორ გადაურჩა მიწისძვრას

უკრაინელი მარია ცხოვრობს და მუშაობს გაზიანთეპში, რომელიც გუშინ ღამით თურქეთში მომხდარი მიწისძვრის ერთ-ერთი ეპიცენტრი გახდა. მან BBC-ს განუცხადა, რომ დილის 4 საათზე გაიღვიძა იმის გამო, რომ მისი „ბინა ირყეოდა“.

„ვიფიქრე, რომ უკრაინაში ვიყავი და დაბომბეს. ფაქტობრივად, ერთი წამის შემდეგ მივხვდი, რომ ეს მიწისძვრა იყო“, - ამბობს მარია.

მის სამუშაო ადგილზე რეგულარულად ტარდება ტრენინგები იმის შესახებ, თუ როგორ უნდა მოიქცეს მიწისძვრის დროს - თურქეთი მდებარეობს მსოფლიოში ერთ-ერთ ყველაზე სეისმურ ზონაში, სადაც, ადგილობრივი მოსახლეობის თქმით, მიწისძვრები ხდება თითქმის ყოველ წელს. 
მთავარი რჩევა ასეთ შემთხვევებში არის შენობიდან გასვლა ღია სივრცეში.

მიწისძვრის მომენტში მარიამ ფეხსაცმელი და პიჯაკი აიტაცა და მეზობლები გააღვიძა. მათთან ერთად ქუჩაში გამოვიდნენ ახლომდებარე სახლებიდან.

ის იხსენებს, რომ „სახლი კანფეტის ყუთივით ყანყალებდა“, ხალხი პანიკურად გარბოდა. ვისაც მანქანა ჰყავდა, მანქანით გარბოდა. მისი ერთ-ერთი მეგობარი შვილებთან ერთად მანქანით წავიდა და მინდორში დარჩა.
მარიას თქმით, მიწისძვრის ორი ძლიერი ტალღა იყო, მესამე გარკვეულწილად სუსტი იყო. დარტყმებს შორის შესვენების დროს მარიამ მოახერხა ბინაში შევარდნა, მობილური ტელეფონისა და საბუთებისთვის.

„ყველა იდგა პარკში. სამი საათის შემდეგ ჩვენ დავბრუნდით სახლში, რადგან შეციებულები და სველები ვიყავით. ინტერნეტში საფრთხის შესახებ აღარ იყო შეტყობინება", - იხსენებს მარია მოვლენებს. 

მისი სახლი გადარჩა, მაგრამ ბინის კედლებზე ბზარები გაჩნდა. სახლში დენი არ არის, მაგრამ გაზსადენი გადარჩა და წყალიც მოდის.
ქალაქში ნგრევაა - მარიას სამსახურთან ერთ-ერთი სახლი ჩამოინგრა. 

დაზარალდა არა მხოლოდ საცხოვრებელი ფართები - ძველი წელთაღრიცხვის II-III საუკუნეებში აგებული უძველესი ციხის ნანგრევები, გაზიანთეპში მდებარე იუნესკოს არქიტექტურულ ძეგლს, მიწისძვრის შედეგად ჩამოენგრა კედლის ნაწილი.

მარიას თქმით, გაზიანთეპში დიდი ხნის განმავლობაში მცხოვრებ თურქებსაც კი არ ახსოვთ ასეთი ძლიერი მიწისძვრა. ბოლოს მსგავსი რამ მოხდა 1999 წელს, იზმითში, სტამბოლის სამხრეთით, როდესაც 17 000 ადამიანი დაიღუპა.
თავად მარიამ თურქეთში ყოფნის დროს რამდენიმე მიწისძვრა გადაიტანა, მაგრამ ისინი ყველა უმნიშვნელო იყო.

ისეთი შეგრძნებაა, თითქოს ლვოვის კაფეში ზიხარ, მოედანზე ტრამვაი გადის, გრძნობ მათ, მაგრამ იცი, რომ გარეთ უნდა გახვიდე, ნახევარი საათი იდგე, შეაფასო სიტუაცია და დაბრუნდე“. - ამბობს ქალი.

გაზიანთეპი გასტრონომიული ტურიზმის ცენტრია და ქალაქში ფუნქციონირებს რამდენიმე საერთაშორისო ორგანიზაცია.

უკრაინის საგარეო საქმეთა სამინისტრომ BBC-ს განუცხადა, რომ ჯერჯერობით ვერ იტყვიან, არიან თუ არა უკრაინელები დაღუპულებსა და დაშავებულებს შორის - მიმდინარეობს ნანგრევების გაწმენდა და ცხედრების იდენტიფიცირება.