საერთაშორისო ენერგეტიკული სააგენტოს ხელმძღვანელი: ირანში ომი ისტორიაში ყველაზე დიდ ენერგეტიკულ კრიზისს იწვევს

ირანს, ამერიკის შეერთებულ შტატებსა და ისრაელს შორის არსებული კონფლიქტი ქმნის ენერგეტიკულ კრიზისს, რომელიც ყველაზე მძიმეა მათ შორის, რაც კი მსოფლიოს ოდესმე გამოუვლია, - განაცხადა სამშაბათს საერთაშორისო ენერგეტიკული სააგენტოს ხელმძღვანელმა.

„ეს ნამდვილად ყველაზე დიდი კრიზისია ისტორიაში“, - აღნიშნა ფატიჰ ბიროლმა რადიო France Inter-ისთვის მიცემულ ინტერვიუში.

„კრიზისი ისედაც მასშტაბურია, თუ გავითვალისწინებთ ნავთობისა და რუსეთთან დაკავშირებული გაზის კრიზისის ერთობლივ ეფექტს“, - დასძინა მან.

ახლო აღმოსავლეთში მიმდინარე ომმა შეაფერხა საზღვაო მიმოსვლა ჰორმუზის სრუტეში, რომელზეც გლობალური ნავთობისა და გათხევადებული ბუნებრივი აირის ნაკადების ერთი მეხუთედი მოდის.