1728312638
რუსეთში, ტვერის ოლქში დრონების თავდასხმის გამო, მოსახლეობის ნაწილობრივი ევაკუაცია გამოცხადდა
რუსეთის ტვერის ოლქის ქალაქ ტორეცში, დრონების თავდასხმის გამო, მოსახლეობის ნაწილობრივი ევაკუაცია გამოცხადდა. ტელეგრამ-არხების ცნობით, თავდასხმა საბრძოლო მასალების ერთ-ერთ საწყობზე მოხდა.
ოლქის ადმინისტრაციის ინფორმაციით, ჰაერსაწინააღმდეგო სისტემებმა უკრაინული დრონები მოიგერიეს, ქალაქში აფეთქებები და ძლიერი ხანძარი განადგურებული დრონების ნამსხვრევების ჩამოცვენამ გამოიწვია.
გასული ღამის განმავლობაში უკრაინულმა დრონებმა იერიშები რუსეთის 4 ოლქზე მიიტანეს.
