რუსეთში ეკლესიის მსახურმა ცოლი ავადმყოფობის გამო სასიკვდილოდ სცემა - მოკლულს დემენცია ჰქონდა

მოსკოვის გარეუბანში სამართალდამცველებმა გარდაცვლილი ქალის ცხედარი ნახეს. თავდაპირველად, იყო ეჭვი, რომ გარდაცვალების მიზეზი ავადმყოფობა გახდა. ქალს დემენციის დიაგნოზი ჰქონდა. ცხედრის დათვალიერების შემდეგ გაირკვა, რომ მას სხეულზე ხანგრძლივი ძალადობის კვალი აღენიშნებოდა, რაც ექსპერტიზამაც დაადასტურა.

პოლიციის ინფორმაციით, ქმარმა, რომელიც ეკლესიის მსახურია, ცოლი სასიკვდილოდ სცემა. დანაშაულის მოტივი ქალის ავადმყოფობა გახდა.