რუსეთმა უკრაინის ოკუპირებულ ტერიტორიებზე „რეფერენდუმის“ ჩატარება დაიწყო

რუსეთმა ოკუპირებულ ლუგანსკში, დონეცკში, ხერსონსა და ზაპოროჟიეში „რეფერენდუმის“ ჩატარება დაიწყო, - ამის შესახებ ინფორმაციას Reuters-ი ავრცელებს.

აღსანიშნავია, რომ ე.წ. კენჭისყრა 27 სექტემბერს დასრულდება. მოსკოვი აცხადებს, რომ „რეფერენდუმის“ ჩატარება უკრაინის ტერიტორიაზე მცხოვრებმა ხალხმა „თავად მოითხოვა“.

უკრაინის ტერიტორიაზე რუსეთის მიერ „რეფერენდუმების“ ჩატარებას ამერიკის შეერთებული შტატები, NATO და ეუთო გმობენ.