თეონა ყაჭიური
7, 8 და 10 მაისი უქმე დღეებად გამოცხადდა
1714470076
პოლონეთში ვიზიტის დროს ჯო ბაიდენის უკრაინაში ჩასვლა და ვოლოდიმირ ზელენსკისთან შეხვედრა არ იგეგმება
აშშ-ის პრეზიდენტის, ჯო ბაიდენის პოლონეთში ვიზიტის დროს უკრაინაში ჩასვლა და უკრაინელ კოლეგასთან, ვოლოდიმირ ზელენსკისთან შეხვედრა არ იგეგმება, – ამის შესახებ თეთრ სახლში გამართულ ბრიფინგზე აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.
მისივე თქმით, ბაიდენი შეხვდება პოლონელ კოლეგას, პრეზიდენტ ანჯეი დუდას და რეგიონის სხვა ლიდერებს.
„პრეზიდენტი ბაიდენი პრეზიდენტ ზელენსკის არ შეხვდება. ვიზიტის დროს პრეზიდენტ ზელენსკისთან შეხვედრა ამჟამად არ არის დაგეგმილი. პრეზიდენტი ბაიდენი ვარშავაში გაემგზავრება“, – განაცხადა ჯონ კირბიმ.
აშშ-ის პრეზიდენტი ჯო ბაიდენი პოლონეთს ოფიციალური ვიზიტით 20 თებერვალს ეწვევა. მანამდე გავრცელდა ინფორმაცია, რომ ბაიდენი პოლონეთში ჩასვლას უკრაინაში რუსეთის ფართომასშტაბური ომის დაწყების წლისთავისთვის გეგმავდა.
სხვა სიახლეები
