პოლონეთმა ბელარუსთან საზღვარი გახსნა და თავის მოქალაქეებს ბელარუსის დაუყოვნებლივ დატოვებისკენ მოუწოდა

პოლონეთმა ბელარუსთან სასაზღვრო მოძრაობა ორ საკონტროლო პუნქტზე აღადგინა, თუმცა მოუწოდებს თავის მოქალაქეებს, დაუყოვნებლივ დატოვონ ქვეყანა მათი უსაფრთხოებისთვის რისკების გამო.

ქვეყნის შინაგან საქმეთა მინისტრის ბრძანების საფუძველზე, პოლონეთსა და ბელარუსს შორის სასაზღვრო გამშვებ პუნქტებზე სასაზღვრო მოძრაობა 25 სექტემბერს აღდგა.

ამჟამად, სამგზავრო მოძრაობისთვის მხოლოდ ტერსპოლ-ბრესტის სასაზღვრო გამშვები პუნქტია გახსნილი.

გარდა ამისა, კოროშჩინ-კოზლოვიჩის სასაზღვრო გამშვები პუნქტი სატვირთო გადაზიდვებისთვისაც ღიაა. ბელარუსში პოლონეთის საელჩოს განცხადების თანახმად, რეგიონში დაძაბულობის ზრდის, სამხედრო მოვლენების და პოლონეთის მოქალაქეების თვითნებური დაპატიმრებების შემთხვევების გამო, საგარეო საქმეთა სამინისტრო მოქალაქეებს ბელარუსში მოგზაურობას არ ურჩევს.

პოლონეთსა და ბელარუსს შორის საზღვარზე ყველა სასაზღვრო გამშვები პუნქტი 12 სექტემბრიდან იყო დაკეტილი.