პოლონელი დეპუტატი: პოლონეთის კონსტიტუცია ჩვენი ქვეყნის უმაღლესი კანონმდებლობაა და ევროკავშირის კანონებზე უპირატესია. ევროკავშირი ვერ გვაიძულებს ჰომოსექსუალების „ქორწინების“ მიღებას

პოლონეთის რესპუბლიკის სეიმის დეპუტატი მარია კუროვსკა ევროკავშირის უმაღლესი სასამართლოს გადაწყვეტილებას ეხმიანება და წერს, რომ ევროკავშირი ვერ აიძულებს პოლონეთს „ჰომოსექსუალების „ქორწინების“ მიღებას“.

„პოლონეთის კონსტიტუცია ჩვენი ქვეყნის უმაღლესი კანონმდებლობაა და ევროკავშირის კანონებზე უპირატესია. ევროკავშირი ვერ გვაიძულებს ჰომოსექსუალების „ქორწინების“ მიღებას”, - წერს დეპუტატი.

როგორც ცნობილია, ევროკავშირის უმაღლესმა სასამართლომ დაადგინა, რომ ერთნაირსქესიანთა ქორწინებებს მთელი ბლოკის მასშტაბით უნდა სცენ პატივი და გააკრიტიკა პოლონეთი იმის გამო, რომ ვარშავამ საკუთარი ორი მოქალაქის გერმანიაში დარეგისტრირებული ქორწინების აღიარებაზე უარი თქვა.