პაკისტანი მსოფლიოს საკვებით დახმარებას სთხოვს

პაკისტანი საერთაშორისო დახმარებას ითხოვს.

ქვეყანა, სადაც ძლიერი წვიმებით გამოწვეულმა წყალდიდობებმა 1000-მდე ადამიანი იმსხვერპლა, საკვების დეფიციტს განიცდის, - ამის შესახებ BBC წერს.

„შეერთებულმა შტატებმა, დიდმა ბრიტანეთმა, არაბთა გაერთიანებულმა საამიროებმა და სხვა ქვეყნებმა წვლილი შეიტანეს მუსონური კატასტროფის მართვაში, მაგრამ გაცილებით მეტი თანხებია საჭირო“, - განუცხადა BBC-ს პაკისტანის შინაგან საქმეთა სამინისტროს ოფიციალურმა წარმომადგენელმა.

მდინარეების ადიდების გამო, პაკისტანში ათასობით ადამიანის ევაკუაცია დაიწყო. ქვეყნის ზოგიერთ რაიონში საგანგებო მდგომარეობაა გამოცხადებული.