„ორივე საფენში იყო გახვეული და არ შეეძლოთ ლაპარაკი...“ - სასამართლომ მეურვეობა ჩამოართვა მამას, რომელიც შვილებს ფერმაში, იზოლაციაში ზრდიდა

იტალიის პოლიციამ ცოტა ხნის წინ 6 და 9 წლის ორი და-ძმა აღმოაჩინა, რომლებიც იზოლირებულ ფერმაში „ვირუსით შეპყრობილმა მამამ“ გაზარდა.

აპრილში იტალიის პროვინციაში წყალდიდობის დროს ადგილობრივი კარაბინიერები ერთ-ერთ ფერმას ეწვივნენ. ფერმაში მათ იპოვეს 9 წლის ბიჭი და 6 წლის გოგონა. ორივე საფენში იყო გახვეული და არც ერთს არ შეეძლო ლაპარაკი.

მათი ჰოლანდიელი მშობლები, ლითონის მოქანდაკეები და დიასახლისები, აცხადებდნენ, რომ ისინი ბავშვებს სახლში ასწავლიდნენ და ყველაფერი ჰქონდათ, რაც კი სჭირდებოდათ, საკვებიდან დაწყებული სათამაშოებითა და წიგნებით დამთავრებული. 

იტალიური გაზეთის ცნობით, ბავშვების 54 წლის მამა იტალიაში სამი წელია ცხოვრობს, თუმცა სოფელში ბავშვები არავის შეუნიშნავს. ისინი არასდროს ყოფილან რეგისტრირებულნი ადგილობრივ ხელისუფლებაში და არც სკოლაში დადიოდნენ. პირობები, რომელშიც კარაბინიერებმა ისინი იპოვეს, ასევე მიანიშნებდა სრულ იზოლაციაზე. ბავშვები ძლივს საუბრობდნენ, არ შეეძლოთ კითხვა და წერა და ისინი უკიდურესად აგრესიულები იყვნენ, ერთმანეთის მიმართაც კი.

გერმანიაში დაბადებული „მოჩვენება ბავშვები“, როგორც მათ იტალიურმა მედიამ უწოდა, იტალიაში COVID-19 პანდემიის გარკვეულ მომენტში ჩავიდნენ. როგორც აღმოჩნდა, ბავშვების მამას ეგონა,რომ ერები ვირუსებს ლაბორატორიებში ქმნიდნენ და „მსოფლიოს დაბინძურებას“ გეგმავდნენ, ამიტომ ოჯახის უსაფრთხოება სურდა.

„მე მიყვარს ჩემი შვილები, უბრალოდ მინდოდა მათი დაცვა“, - თქვა მამამ.

სასამართლომ ბავშვების  CISS-ის მეურვეობის ქვეშ სპეციალურ დაწესებულებაში მოთავსების ბრძანება გასცა, სანამ ისინი ისეთ ოჯახს იპოვიან, რომელსაც მათი აღზრდა შეუძლია.