ომანის საგარეო საქმეთა მინისტრი აცხადებს, რომ ირანმა და აშშ-მა ჟენევის მოლაპარაკებებზე „კარგ პროგრესს“ მიაღწიეს

აშშ-მა და ირანმა ჟენევაში გამართული მოლაპარაკებების მორიგ რაუნდზე „კარგ პროგრესს“ მიაღწიეს - ამის შესახებ მედიატორი ქვეყნის, ომანის საგარეო საქმეთა სამინისტრო სოციალურ ქსელში იტყობინება.

„ირანის ისლამურ რესპუბლიკასა და ამერიკის შეერთებულ შტატებს შორის ჟენევაში გამართული დღევანდელი ირიბი მოლაპარაკებები დასრულდა კარგი პროგრესით საერთო მიზნებისა და შესაბამისი ტექნიკური საკითხების იდენტიფიცირების მიმართულებით“, - წერს საგარეო საქმეთა მინისტრი ბადრ ალბუსაიდი პლატფორმა X-ზე.