ნიკოლ ფაშინიანი აცხადებს, რომ სომხეთის სატრანსპორტო შეზღუდვები გავლენას ახდენს ქვეყანაში ზოგიერთი პროდუქტის მაღალ ფასზე

რატომ არის ზოგიერთი საქონელი უფრო ძვირი სომხეთში, ვიდრე ზოგიერთ ევროპულ ქვეყანაში? ერთ-ერთი მთავარი მიზეზი სომხეთის სატრანსპორტო შეზღუდვებია, რაც გავლენას ახდენს საქონლის ფასზე – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.

„დღეს, როდესაც საზღვრების გახსნა რეალობად იქცა, ოპოზიციამ დაიწყო იმის მტკიცება, რომ ამას, სავარაუდოდ, მძიმე შედეგები მოჰყვება სომხეთისთვის. თუ მათ მოუსმენთ, როგორც ჩანს, აზერბაიჯანი და თურქეთი საზღვრების ჩაკეტვით ჩვენთვის სიკეთეს აკეთებენ“, – აღნიშნა ნიკოლ ფაშინიანმა.

სომხეთის მთავრობის ხელმძღვანელის თქმით, „ტრამპის მარშრუტის“ ფარგლებში ქვეყანა ელოდება სომხეთ-თურქეთის და სომხეთ-აზერბაიჯანის საზღვრების გახსნას.