ნატოს გენერალური მდივანი: ნატოს წევრები ჩამორჩებიან რუსეთსა და ჩინეთს იარაღის წარმოებაში

ნატოს გენერალურმა მდივანმა, მარკ რუტემ განაცხადა, რომ ნატოს წევრები ჩამორჩებიან რუსეთსა და ჩინეთს იარაღის წარმოებაში.

„ჩვენ გვჭირდება მეტი იარაღის წარმოება. საკმარისად არ ვაწარმოებთ. არც აშშ-ში, არც ევროპაში. ჩვენ ჩამოვრჩებით, თუ შევადარებთ რუსებსა და ჩინელებს“, - აღნიშნა მარკ რუტემ თეთრ სახლში დონალდ ტრამპთან გამართულ შეხვედრაზე.

ნატოს გენერალურმა მდივანმა ხაზგასმით აღნიშნა, რომ აშშ-ს თავდაცვის ძლიერი მრეწველობა აქვს, თუმცა მეტი უნდა გაკეთდეს წარმოების გასაძლიერებლად.