მედია: ადამ კადიროვის კორტეჟი მძიმე ავარიაში მოყვა - ჩეჩნეთის ლიდერის ვაჟი საავადმყოფოში გადაიყვანეს

ჩეჩნეთის ლიდერის ვაჟი, ადამ კადიროვი, ავტოსაგზაო შემთხვევის შემდეგ გროზნოში,  რესპუბლიკურ საავადმყოფოში გადაიყვანეს; ის მძიმე მდგომარეობაშია, აცხადებს წყარო - ინფორმაციას  Kavkaz.Realii ავრცელებს, 

„საავადმყოფომდე მისასვლელი გზები დაკეტილია, რადგან ადამი იქ გადაიყვანეს; ამბობენ, რომ ის რეანიმაციაში უგონო მდგომარეობაშია. ჩვენ დანამდვილებით არ ვიცით, რა სჭირს კადიროვის შვილს“, - განუცხადა გროზნოში ჩვენს რედაქციას ერთ-ერთმა წყარომ. კიდევ ერთმა წყარომ, დიასპორის წევრმა, მსგავსი ინფორმაცია გაავრცელა, - წერს გამოცემა.