მარინ ლე პენთან დაკავშირებით საფრანგეთის სასამართლოს გადაწყვეტილებამ ყველაფერი ცხადყო, აი, რას ნიშნავს „ლიბერალური დემოკრატია“ სინამდვილეში - პიტერ სიიარტო

საფრანგეთის სასამართლოს გუშინდელმა გადაწყვეტილებამ ყველაფერი ცხადყო: აი, რას ნიშნავს „ლიბერალური დემოკრატია“ სინამდვილეში, – ამის შესახებ უნგრეთის საგარეო საქმეთა მინისტრი, პიტერ სიიარტო სოციალურ ქსელში წერს და საფრანგეთის სასამართლოს მიერ მარინ ლე პენის მიმართ გამოტანილ განაჩენს ეხმაურება.

„პატრიოტები შეიძლება ჩამოშორებული იყვნენ ნებისმიერ ფასად — სასამართლოს გადაწყვეტილებებით, გარე ჩარევით ან თუნდაც მკვლელობის მცდელობებით. ამავე დროს, ომის მომხრე ბრიუსელელებს შეუძლიათ, აკეთონ რაც სურთ. წაშალონ ტექსტები ათეულობით მილიარდი ევროს ღირებულების ვაქცინის შეკვეთების შესახებ? არანაირი პრობლემა არ არის. მოიპარონ ტელეფონები და თავი აარიდონ პასუხისმგებლობის აღებას ვაჭრობაზე? როგორც ჩანს, ესეც კარგია. უბრალოდ ჰკითხეთ „ევროპის სახალხო პარტიის“ უნგრეთის დელეგაციის ლიდერს. წესები არ მოქმედებს, როცა „სწორ“ მხარეს ხარ“, – წერს უნგრეთის საგარეო საქმეთა მინისტრი, პიტერ სიიარტო.

ცნობისთვის, საფრანგეთის ულტრამემარჯვენე პარტიის, „ეროვნული გაერთიანების“ ლიდერს, მარინ ლე პენს სასამართლომ ოთხი წლით თავისუფლების აღკვეთა მიუსაჯა და 5 წლით აუკრძალა საჯარო თანამდებობის დაკავება, რაც ნიშნავს, რომ ლე პენი 2027 წლის საპრეზიდენტო არჩევნებში მონაწილეობას ვერ მიიღებს. მარინ ლე პენის ადვოკატმა განაცხადა, რომ სასამართლოს გადაწყვეტილებას გაასაჩივრებს.