"კუბა დაეცემა. ჩვენ შევწყვიტეთ ნავთობი, ფული, ყველაფერი, რაც ვენესუელიდან შედიოდა, რომელიც მათთვის ერთადერთი წყარო იყო. ახლა კი მათ შეთანხმების დადება სურთ" - ტრამპი

"კუბა დაეცემა" - ამის შესახებ ამერიკის შეერთებული შტატების პრეზიდენტმა დონალდ  ტრამპმა "პოლიტიკოსთან" ინტერვიუში განაცხადა.

"ჩვენ შევწყვიტეთ ყველა ნავთობი, ყველა ფული… ყველაფერი, რაც ვენესუელიდან შედიოდა, რომელიც მათთვის ერთადერთი წყარო იყო. ახლა კი მათ შეთანხმების დადება სურთ", - განაცხადა ინტერვიუში დონალდ ტრამპმა.

მისივე თქმით, შეერთებული შტატები კონტაქტშია კუბის კომუნისტურ ხელმძღვანელობასთან, რადგან კუნძულზე ვენესუელის ლიდერის, ნიკოლას მადუროს დაკავების შემდეგ არასტაბილურობა ძლიერდება და ეს ნაწილობრივ აშშ-ის ზეწოლის შედეგია.