კოსმოსიდან დაბრუნების შემდეგ ასტრონავტები სასწრაფოდ საავადმყოფოში წაიყვანეს - რას ამბობენ NASA-ში

NASA-ს ოთხი ასტრონავტის ეკიპაჟი კოსმოსიდან დაბრუნების შემდეგ საავადმყოფოში გაგზავნეს. 

ჯგუფი დააბრუნეს დედამიწაზე SpaceX-ის Dragon-ის კაფსულით 25 ოქტომბერს. მათ საერთაშორისო კოსმოსურ სადგურზე (ISS) 200 დღეზე მეტი გაატარეს. 

ფლორიდაში, პენსაკოლას მახლობლად წარმატებული დაშვების შემდეგ, NASA-ს ასტრონავტებს „სამედიცინო პრობლემა" ჰქონდათ. 

ეკიპაჟის სამმა წევრმა საავადმყოფო მალევე დატოვა. ერთ-ერთი ასტროვანტი კი სტაბილურ მდგომარეობაში იმყოფებოდა. იგი დაკვირვებისთვის საავადმყოფოში დატოვეს. 

პრესკონფერენციაზე NASA-მ მცირე ინფორმაცია მიაწოდა საზოგადოებას და თქვა, რომ საავადმყოფოში ვიზიტი განხორციელდა „სიფრთხილის გამო".