კოკისპირულმა წვიმამ სიცილიაში ძლიერი წყალდიდობა და მეწყერი გამოიწვია

გადაუღებელმა, კოკისპირულმა წვიმამ იტალიის სამხრეთ ნაწილში, სიცილიაში ძლიერი წყალდიდობა და მეწყერი გამოიწვია. კალაპოტიდან გადმოვიდა მდინარე სალსო, შედეგად ლიკატის რაიონი პრაქტიკულად მთლიანად წყლის საფარის ქვეშ მოექცა.

ადგილობრივი მოსახლეობის ევაკუაცია ვერტმფრენებით ხდება. სტიქიის გამო პალერმოს აეროპორტში ელექტრო ენერგიის მიწოდება შეწყდა. მგზავრებს რამდენიმე საათის განმავლობაში სიბნელეში ყოფნა მოუხდათ.