„კოკა-კოლა“ რუსეთში პროდუქციას აღარ გაყიდის

კომპანია Coca-Cola-მ რუსეთის ტერიტორიაზე ყოველგვარი პროდუქციის წარმოება და გაყიდვა შეაჩერა. ამის შესახებ უცხოური მედია წერს. 

გამოცემის ცნობით, ეს მას შემდეგ მოხდება, რაც ქვეყნის ტერიტორიაზე არსებული მარაგები დასრულდება. Coca-Cola-ს დასახელების სასმლის გარდა კომპანია რუსეთში Fanta-ს და Sprite-ს, ტონიკს სახელწოდებით Schweppes, წყალს Bon Aqua და ჩაის  Fuzetea-ს აწარმოებდა.

კომპანია Pepsi Co-მ, რომელიც სასმელებს Pepsi, Mirinda და 7Up-ს აწარმოებდა, რუსეთში პროდუქციის გაყიდვა ასევე შეაჩერა.

ეს გადაწყვეტილება მსოფლიოში გაზიანი სასმელების უმსხვილესმა მწარმოებლებმა უკრაინის წინააღმდეგ რუსეთის აგრესიის გამო მიიღეს.