ისრაელის პრეზიდენტის სახლთან პრემიერის შეწყალებაზე უარის თქმის მოთხოვნით საპროტესტო აქცია გაიმართა

ისრაელის პრეზიდენტის სახლთან საპროტესტო აქცია გაიმართა. მონაწილეებმა იცხაკ ჰერცოგს მოუწოდეს, უარი თქვას პრემიერ-მინისტრ ნეთანიაჰუს შეწყალებაზე.

ბენიამინ ნეთანიაჰუმ მის წინააღმდეგ კორუფციასთან დაკავშირებით მიმდინარე საქმეზე პრეზიდენტს შეწყალების თხოვნით მიმართა.

ის ქვეყნის ისტორიაში ერთადერთი მოქმედი პრემიერია, რომლის წინააღმდეგაც სისხლის სამართლის საქმეა აღძრული. ნეთანიაჰუს თაღლითობაში, ნდობის ბოროტად გამოყენებასა და ქრთამის აღებაში ედება ბრალი, რასაც ის კატეგორიულად უარყოფს.