ისრაელის პრემიერის ოფისი: ჰააგის სასამართლოს ანტისემიტური გადაწყვეტილება ბენიამინ ნეთანიაჰუსა და იოავ გალანტის დაპატიმრების ორდერის გაცემის შესახებ დრეიფუსის სასამართლო პროცესის ტოლფასია

სისხლის სამართლის საერთაშორისო სასამართლოს ანტისემიტური გადაწყვეტილება ბენიამინ ნეთანიაჰუსა და იოავ გალანტის დაპატიმრების ორდერის გაცემის შესახებ დრეიფუსის სასამართლო პროცესის ტოლფასია, - ნათქვამია ისრაელის პრემიერ-მინისტრის ოფისის მიერ გავრცელებულ განცხადებაში.

განცხადებაში ხაზგასმით აღნიშნულია, რომ სასამართლოს გადაწყვეტილება ვერ შეაფერხებს ისრაელს თავისი მოქალაქეების დაცვაში.

მანამდე ჰააგის სისხლის სამართლის საერთაშორისო სასამართლომ ისრაელის პრემიერ-მინისტრის ბენიამინ ნეთანიაჰუსა და ქვეყნის ყოფილი თავდაცვის მინისტრის იოავ გალანტის დაკავების ორდერები გასცა.

მოსამართლეები ფიქრობენ, რომ ნეთანიაჰუს და გალანტს, სავარაუდოდ, ღაზის სექტორში ჩადენილი აქვთ სამხედრო დანაშაული და დანაშაული კაცობრიობის წინაშე.