1743712861
ისრაელის პრემიერ-მინისტრი, ბენიამინ ნეთანიაჰუ ჰააგის სისხლის სამართლის საერთაშორისო სასამართლოს მიერ დაპატიმრების შესახებ გაცემული ორდერის მიუხედავად უნგრეთში ჩავიდა. ინფორმაციას ებრაული მედია ავრცელებს.
ნეთანიაჰუ უნგრეთში სახელმწიფო ვიზიტით ჩავიდა. მისი თვითმფრინავი ბუდაპეშტის აეროპორტში უკვე დაეშვა.
ცნობისთვის, 2024 წლის ნოემბერში სისხლის სამართლის საერთაშორისო სასამართლომ ისრაელის პრემიერ-მინისტრის ბენიამინ ნეთანიაჰუსა და თავდაცვის ყოფილი მინისტრის იოავ გალანტის დაპატიმრების ორდერი გამოსცა. მოსამართლეები ფიქრობენ, რომ ნეთანიაჰუსა და გალანტს, სავარაუდოდ, ღაზის სექტორში ჩადენილი აქვთ სამხედრო დანაშაული და დანაშაული კაცობრიობის წინაშე.
