ისრაელი გააგრძელებს ლიბანში „ჰეზბოლას“ წინააღმდეგ დარტყმებს სრული ძალით - ბენიამინ ნეთანიაჰუ 

ისრაელი გააგრძელებს ლიბანში „ჰეზბოლას“ წინააღმდეგ დარტყმებს სრული ძალით, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ ნიუ იორკში განაცხადა, სადაც გაეროს გენერალური ასამბლეის ყოველწლიურ შეხვედრაზე დასასწრებად ჩავიდა.

„ჩემი პოლიტიკა, ჩვენი პოლიტიკა ნათელია. ჩვენ ვაგრძელებთ „ჰეზბოლას“ დარტყმას მთელი ძალით და არ გავჩერდებით, ვიდრე არ მივაღწევთ ჩვენს ყველა მიზანს. პირველ რიგში, ჩრდილოეთში მცხოვრებთა უსაფრთხოდ დაბრუნებას საკუთარ სახლებში“, – განაცხადა ნეთანიაჰუმ.

შეგახსენებთ, ბოლო რამდენიმე დღის განმავლობაში ისრაელის ავიაიერიშებს ლიბანში 700-მდე ადამიანი ემსხვერპლა. აშშ და მისი მოკავშირე ათი ქვეყანა მოითხოვს 21-დღიან ცეცხლის შეწყვეტას ისრაელ-ლიბანის საზღვარზე, დიპლომატიური ძალისხმევის ფარგლებში, რათა თავიდან აიცილონ რეგიონული ომის გაჩაღება.