ირანული მხარე ამტკიცებს, რომ საჰაერო სივრცის დარღვევის შემდეგ ამერიკული დრონი ჩამოაგდო

ირანის ისლამური რევოლუციის გუშაგთა კორპუსის განცხადებით, შეიარაღებულმა ძალებმა ისლამური რესპუბლიკის საჰაერო სივრცის დარღვევის შემდეგ ამერიკული უპილოტო საფრენი აპარატი MQ-9 Reaper-ი ჩამოაგდო.

გარდა ამისა, როგორც რევოლუციის გუშაგთა კორპუსის მიერ გავრცელებულ ინფორმაციაშია აღნიშნული, მათ აგრეთვე ცეცხლი გაუხსნეს RQ-4 ტიპის უპილოტო საფრენ აპარატს და F-35-ის ტიპის გამანადგურებელ თვითმფრინავს, რომლებმაც აგრეთვე დაარღვიეს ქვეყნის საჰაერო სივრცე.

ისლამური რევოლუციის გუშაგთა კორპუსში აცხადებენ, რომ იტოვებენ „კანონიერ და ცალსახა“ უფლებას აშშ-ის მხრიდან ცეცხლის შეწყვეტის რეჟიმის ნებისმიერ დარღვევას უპასუხოს.

ინციდენტი მას შემდეგ მოხდა, რაც აშშ-ის შეიარაღებული ძალების ცენტრალურმა სარდლობამ (CENTCOM) გაავრცელა ინფორმაცია ირანული სარაკეტო დანადგარების განადგურების შესახებ.