ირანმა ისრაელის მიმართულებით ღამის განმავლობაში ერთდროულად რამდენიმე რაკეტა სამჯერ გაუშვა

ირანმა ღამის განმავლობაში ისრაელის მიმართულებით ერთდროულად რამდენიმე რაკეტა სამჯერ გაუშვა. ამის შესახებ ინფორმაციას „თაიმს ოფ ისრაელი“ ისრაელის თავდაცვის ძალებზე დაყრდნობით ავრცელებს.

მედიის ინფორმაციით, თავდასხმის შედეგად, თელ ავივში, ცენტრალურ ისრაელსა და დასავლეთ სანაპიროს ჩრდილოეთ ნაწილში საჰაერო განგაში ჩაირთო.

გავრცელებული ცნობით, რაკეტების ნაწილი მოგერიებულია, ნაწილი კი ღია ტერიტორიაზე დაეცა.