ჰააგაში, ისრაელის მიერ ღაზაში გენოციდის მოწყობის ბრალდების საქმეზე ისტორიული პროცესი დაიწყო

ჰააგის მართლმსაჯულების საერთაშორისო სასამართლოში (ICJ) ღაზის სექტორში ისრაელის მიერ გენოციდის მოწყობის ბრალდების საქმეზე განხილვა დაიწყო.

ისრაელის წინააღმდეგ სარჩელი ICJ-ში სამხრეთ აფრიკამ შეიტანა. სამხრეთ აფრიკის იუსტიციის მინისტრმა, რონალდ ლამოლამ სასამართლოს სხდომაზე განაცხადა, რომ ისრაელის მხრიდან პალესტინელების დევნა არა 7 ოქტომბერს, არამედ 76 წლის წინ დაიწყო.

„2004 წლიდან ღაზის სექტორში ისრაელი აკონტროლებს გადსასვლელ პუნქტებს და სამოქალაქო ინფრასტრუქტურას. საერთაშორისო სამართლის თანახმად, ღაზის სექტორი ამჟამად ოკუპირებულად ითვლება. სამხრეთ აფრიკამ ერთმნიშვნელოვნად დაგმო „ჰამასის“ მიერ 7 ოქტომბერს განხორციელებული თავდასხმა და მძევლების აყვანა. თუმცა, არც ერთი თავდასხმა არ ამართლებს კონვენციის დარღვევას. ისრაელმა ეს ხაზი გადაკვეთა და გენოციდის კონვენცია დაარღვია“, - აღნიშნა რონალდ ლამოლამ.

ისრაელს სასამართლოში ქვეყნის უზენაესის სასამართლოს ყოფილი თავმჯდომარე აჰარონ ბარაკი წარმოადგენს.