ღაზის სექტორის საავადმყოფოებში შიმშილისა და არასრულფასოვანი კვების გამო გარდაცვალების ცხრა ახალი ფაქტი დაფიქსირდა

ღაზის სექტორის საავადმყოფოებში ბოლო 24 საათის განმავლობაში შიმშილით კიდევ 9 ადამიანი დაიღუპა. ინფორმაციას Al Jazeera ავრცელებს.

მედიის ცნობით, შიმშილით გარდაცვლილთა საერთო რაოდენობა ანკლავში 122-მდე გაიზარდა.

გაეროს გენერალურმა მდივანმა ანტონიუ გუტერეშმა საერთაშორისო საზოგადოება მწვავედ გააკრიტიკა ღაზაში პალესტინელების ტანჯვის უგულებელყოფის გამო, რაც, მისი თქმით, მორალური კრიზისის მაჩვენებელია.