ღაზაში გაწმენდითი სამუშაოები მიმდინარეობს, დაწყებულია ჰუმანიტარული დახმარების შეტანა

ღაზის სექტორში ცეცხლის შეწყვეტის შემდეგ, ქუჩების ნანგრევებისგან გაწმენდის სამუშაოები მიმდინარეობს. ანკლავში დაწყებულია ჰუმანიტარული დახმარების შეტანაც.

UNICEF-მა ღაზაში წყლის საწარმო განაახლა, რის შედეგად მოსახლეობისთვის სუფთა სასმელი წყლის მიწოდება აღდგა.

გაეროს ჰუმანიტარული სააგენტოს განცხადებით, ისრაელის ხელისუფლებასთან შეთანხმებით, ღაზის სექტორში 190 000 ტონა საკვებს, მედიკამენტებს და სხვა აუცილებელ ნივთებს შეიტანენ. ამასთან, გაეროში აღნიშნავენ, რომ პროცესს გზებზე არსებული აუფეთქებელი საბრძოლი მასალა ართულებს.