გერმანიის საგარეო საქმეთა მინისტრის განცხადებით, წლევანდელი ზამთარი უკრაინისთვის, შესაძლოა, გადამწყვეტი აღმოჩნდეს

გერმანიის საგარეო საქმეთა მინისტრის იოჰან ვადეფულის განცხადებით, წლევანდელი ზამთარი უკრაინისთვის, შესაძლოა, გადამწყვეტი აღმოჩნდეს.

ვადეფული დასავლელ პარტნიორებს უკრაინის დახმარებისკენ მოუწოდებს, რათა ოფიციალურმა კიევმა თავდაცვისუნარიანობა არ დაკარგოს. გერმანელმა მინისტრმა იმედი გამოთქვა, რომ ევროკავშირი უკრაინის დასახმარებლად რუსეთის გაყინულ აქტივებსაც გამოიყენებს.

ვადეფულის ცნობით, პარტნიორები ამის შესახებ შეთანხმებას სავარაუდოდ უახლოეს მომავალში მიაღწევენ.