გამოქვეყნდა ვიდეო, როგორ გამოიყურება ტრამპი თავდასხმის შემდეგ

მიტინგზე სროლის შემდეგ, აშშ-ის ყოფილი პრეზიდენტი, დონალდ ტრამპი პირველად გამოჩნდა საჯაროდ.

დონალდ ტრამპის კომუნიკაციების დირექტორის მოადგილემ, მარგო მარტინმა გამოაქვეყნა ვიდეო, სადაც ის თვითმფრინავიდან ჩამოდის.

„ძლიერი და გამძლე. ის არასდროს შეწყვეტს ბრძოლას ამერიკისთვის“, - დაწერა მარგო მარტინმა სოციალურ ქსელში.

Strong and resilient. He will never stop fighting for America. pic.twitter.com/B9yR3SLQJV

— Margo Martin (@margommartin) July 14, 2024

 პენსილვანიაში, სადაც დონალდ ტრამპი მხარდამჭერებთან შეხვედრას მართავდა და მათ სიტყვით მიმართავდა, სროლა იყო.

დონალდ ტრამპის თქმით, ტყვიამ მას მარჯვენა ყურის ზედა ნაწილი გაუხვრიტა.

აშშ-ის გამოძიების ფედერალური ბიურო (FBI) აცხადებს, რომ სროლა, რომელიც აშშ-ის ყოფილი პრეზიდენტის, დონალდ ტრამპის მიტინგზე მოხდა, ყოფილი პრეზიდენტის მკვლელობის მცდელობა იყო.