1746725910
გერმანიის კანცლერმა, ფრიდრიხ მერცმა განაცხადა, რომ უკრაინაში ომი აშშ-ის ჩართულობის გარეშე ვერ დასრულდება.
„ჩვენ ვერ დავასრულებთ ამ ომს უკრაინაში ამერიკის შეერთებული შტატების შემდგომი ჩართულობის გარეშე. ეს არ არის ის, რისი ჩანაცვლებაც ევროპელებს შეუძლიათ“, - აღნიშნა გერმანიის კანცლერმა საფრანგეთის პრეზიდენტთან გამართულ ერთობლივ პრესკონფერენციაზე.
მერცმა ასევე დასძინა, რომ უკრაინისთვის ნებისმიერი მომავალი ცეცხლის შეწყვეტა და უსაფრთხოების გარანტიები ასევე აშშ-ის ჩართულობას მოითხოვს.
