ფრიდრიხ მერცი: პუტინის იმპერიალისტური გეგმა არ დასრულდება უკრაინის დაპყრობით, არამედ ეს მხოლოდ დასაწყისი იქნება

გერმანიის კანცლერმა, ფრიდრიხ მერცმა განაცხადა, რომ რუსეთის პრეზიდენტის, ვლადიმირ პუტინის „იმპერიალისტური გეგმა არ დასრულდება უკრაინის დაპყრობით, არამედ ეს მხოლოდ დასაწყისი იქნება“.

გერმანიის ელჩების კონფერენციაზე სიტყვით გამოსვლისას, მერცმა აღნიშნა, რომ „ყოველდღიურად და მზარდი ინტენსივობით ვხვდებით რუსეთის ჰიბრიდულ თავდასხმებს, მათ შორის ჩვენს ინფრასტრუქტურაზე“.

მან ასევე აღნიშნა მოსკოვის „პროვოკაციები ჩრდილოეთისა და ბალტიის ზღვებში“.