1743658973
გერმანიის პრეზიდენტი, ფრანკ-ვალტერ შტაინმაიერი აზერბაიჯანში ჩავიდა. აზერბაიჯანული მედიის ინფორმაციით, გერმანიის პრეზიდენტს და მის მეუღლეს, ელკე ბუდენბენდერს აზერბაიჯანის პრეზიდენტი ილჰამ ალიევი და მისი მეუღლე, მეჰრიბან ალიევა მიესალმნენ, რის შემდეგაც დახვედრის ოფიციალური ცერემონია გაიმართა.
ამის შემდეგ, ილჰამ ალიევს და ფრანკ-ვალტერ შტაინმაიერს შორის შეხვედრა გაიმართა, ახლა კი მოლაპარაკებები გაფართოებულ ფორმატში მიმდინარეობს.
„დარწმუნებული ვარ, რომ გერმანიის პრეზიდენტის ვიზიტი აზერბაიჯანში ახალ ბიძგს მისცემს ჩვენს ორმხრივ ურთიერთობებს“, – განაცხადა აზერბაიჯანის პრეზიდენტმა.
