ექსტრემალურად დაბალმა ტემპერატურამ ევროპის ერთ-ერთი უდიდესი მდინარე გაყინა

რამდენიმეკვირიანმა ძლიერმა ყინვამ პოლონეთის მდინარე ვისლა და მისი შესართავი ბალტიის ზღვაში გაყინა. CNN-ი ავრცელებს კადრებს, სადაც ჩანს, რომ ადამიანები გაყინულ ზღვაზე დადიან.

ბალტიის ზღვის დაბალი მარილიანობის გამო, ყინვების ხანგრძლივი პერიოდების დროს, ის იყინება. ბალტიის ზღვის სანაპიროზე ტემპერატურა -11°C-მდე დაეცა და ელოდებიან, რომ მომდევნო დღეებში კიდევ უფრო დაეცემა.

პოლონეთის მდინარეებზე ოდერსა და ვისლაზე ყინულმჭრელი ტექნიკის მუშაობა შეჩერებულია მძიმე პირობების გამო, რადგან მდინარეები სწრაფად იყინება.