ემანუელ მაკრონი მარინ ლე პენის საქმეზე: სასამართლო ხელისუფლება დამოუკიდებელია, მოსამართლეები დაცულნი უნდა იყვნენ

საფრანგეთის პრეზიდენტი, ემანუელ მაკრონი პარტია „ეროვნული გაერთიანების“ ლიდერის, მარინ ლე პენის გასამართლების საქმეს გამოეხმაურა და აღნიშნა, რომ ქვეყანაში „სასამართლო ხელისუფლება დამოუკიდებელია“. ინფორმაციას ამის შესახებ ფრანგული გამოცემა Le Parisien-ი ავრცელებს.

„მინდა სამი მარტივი რამ შეგახსენოთ: სასამართლო ხელისუფლება დამოუკიდებელია, მოსამართლეები დაცულნი უნდა იყვნენ და ყველა მოქალაქეს აქვს გასაჩივრების უფლება“, - აღნიშნა საფრანგეთის პრეზიდენტმა.

მარინ ლე პენი ევროკავშირის სახსრების არამიზნობრივი ხარჯვის საქმეზე დამნაშავედ ცნეს.

სასამართლომ მარინ ლე პენს ოთხი წლით თავისუფლების აღკვეთა მიუსაჯა, აქედან ორი წელი შინაპატიმრობა, ორი წელი კი პირობითი სასჯელია, მას ასევე ხუთი წლით აეკრძალა თანამდებობის დაკავება.