დონალდ ტრამპი აცხადებს, რომ უახლოეს მომავალში საუდის არაბეთს, კატარსა და არაბთა გაერთიანებულ საამიროებს ეწვევა

აშშ-ის პრეზიდენტის, დონალდ ტრამპის განცხადებით, უახლოეს მომავალში საუდის არაბეთს, კატარსა და არაბთა გაერთიანებულ საამიროებს ეწვევა.

როგორც ტრამპმა აღნიშნა, ეს შეიძლება, იყოს შემდეგ თვეში ან ცოტა მოგვიანებით.

„ჩვენ მივდივართ კატარში და ასევე, შესაძლოა, კიდევ რამდენიმე ქვეყანაში. არაბთა გაერთიანებული საამიროები ძალიან მნიშვნელოვანია. ალბათ, შევჩერდებით არაბთა გაერთიანებულ საამიროებზე, კატარსა და საუდის არაბეთზე. შემდეგ წავალთ სხვა ადგილებში, თუმცა ახლო აღმოსავლეთში, როგორც ჩანს – ეს სამი“, – აღნიშნა ტრამპმა.