ლენტი

დაპირისპირება სკოლის მოსწავლეებს შორის - აშშ-ში სროლას მსხვერპლი მოჰყვა

ამერიკის შეერთებულ შტატებში სროლას მსხვერპლი მოჰყვა. შემთხვევა იუტას შტატში ორი სკოლის მოსწავლეებს შორის დაპირისპირების დროს მოხდა.

დაიღუპნენ 14 და 15 წლის წლის მოსწავლეები, დაშავდა მათი ერთი თანატოლიც.

პოლიციამ ორი მოზარდი დააკავა. შემთხვევის ადგილიდან ამოღებულია ცეცხლსასროლი იარაღი.

მთავარი სიახლეები

ვიდეოები

1653311116

#ევროპისკენ - ამ სლოგანით შეიქმნა ვიდეორგოლი, რომელიც საქართველოს მისწრაფებებს გამოხატავს ევროპულ გზაზე

26 მაისს საქართველო დამოუკიდებლობის დღეს აღნიშნავს. წელს პირველად, საქართველოს დამოუკიდებლობის დღეს ევროკავშირის წევრი ქვეყნების ელჩები მიულოცავენ.წლევანდელი ღონისძიების მთავარი თემაა „ევროპისკენ“.ამ დღესთან დაკავშირებით, მთავრობის ადმინისტრაციის მიერ შეიქმნა ვიდეორგოლი სლოგანით #ევროპისკენ ნახეთ ვიდეო ⇓  დამოუკიდებლობის დღისადმი მიძღვნილ ღონისძიებებს პირველი რესპუბლიკის მოედანზე გალა-კონცერტი დაასრულებს, რომელშიც მონაწილეობას საზღვარგარეთ მოღვაწე ქართველი მომღერლებიც მიიღებენ.

video

ომი უკრაინაში

სოციალური თემა

puli

1651821060

300-ლარიანი ვაუჩერი მთავრობისგან საჩუქრად - ნახეთ სად, როდის და როგორ შეძლებთ მის აღებას

პრემიერ-მინისტრ ირაკლი ღარიბაშვილის ინიციატივით, იწყება სასოფლო-სამეურნეო დანიშნულების მიწის ნაკვეთების სუბსიდიის პროგრამა, რომელიც ფერმერების წახალისებას ითვალისწინებს.ფერმერებს ყოველ 1 ჰექტარ მიწაზე დაერიცხოთ 300 ლარი (ქულების სახით) და ამით 300 000-მდე ფერმერი ისარგებლებს.„პრაიმტაიმის“ ინფორმაციით, აგრობარათების გამოყენება და „ლიბერთი ბანკიდან“ გაცემა 10 მაისიდან დაიწყება.ვის, როდის და სად დაერიცხება ქულებიქულები აგრობარათებზე ირიცხება. ქულების დარიცხვა და ამით სარგებლობა იმავე პრინციპით მოხდება, როგორც წინა წლებში იყო.პროგრამაში კვლავ „ლიბერთი ბანკი“ იქნება ჩართული. ქულები დაერიცხებათ აგრობარათის მფლობელებს. ხოლო ისინი, ვისაც აგრობარათი არ აქვთ, მაგრამ აქვთ შესაბამისი მიწის ნაკვეთი, 26 აპრილიდან შეძლებენ ბანკში ბარათის აღებას.სუბსიდიას მიიღებენ 0.25 ჰექტრიდან 1.25 ჰექტრამდე ჩათვლით მიწის მესაკუთრეები, თანამესაკუთრეები.როდის დაიწყება ქულების დარიცხვააგრობარათებზე ქულების დარიცხვა 10 მაისიდან დაიწყება და განაღდება წლის ბოლომდე იქნება შესაძლებელი.ბარათით სარგებლობის ვადააგრობარათებზე დარიცხული ქულებით სარგებლობის ბოლო ვადაა 2022 წლის 30 ნოემბერი.რის შეძენას შეძლებენ ფერმერებიბარათზე დარიცხული ქულების გამოყენება შესაძლებელი იქნება შემდეგი საქონლის შესაძენად: სასუქები და მცენარეთა დაცვის ქიმიური/ბიოლოგიური საშუალებები; მცენარეთა მოვლის ქიმიური/ბიოლოგიური საშუალებები; სათესლე და სარგავი მასალები.

სხვა სიახლეები

სპეციალური პენიტენციური სამსახური

სამართალი 1653324289

სპეციალური საგამოძიებო სამსახურის განცხადება

სპეციალურმა საგამოძიებო სამსახურმა, საქართველოს შინაგან საქმეთა სამინისტროს ცალკეული თანამშრომლების მხრიდან, გ. მ.-ს მიმართ განხორციელებული სამსახურებრივი უფლებამოსილების ძალადობით შესაძლო გადამეტების ფაქტზე, გამოძიება საქართველოს სისხლის სამართლის კოდექსის-ის 333-ე მუხლის მე-3 ნაწილის ,,ბ’’ ქვეპუნქტით 2022 წლის 17 მაისს დაიწყო.გამოძიების დაწყებას საფუძვლად დაედო გ.მ.-ს ადვოკატის მიერ სამსახურის ცხელ ხაზზე განხორციელებული შეტყობინება. სპეციალურმა საგამოძიებო სამსახურმა, საგამოძიებო და საპროცესო მოქმედებები ინტენსიურ რეჟიმში, უმოკლეს დროში ჩაატარა. კერძოდ, გამომძიებელმა დაკავებული დროებითი მოთავსების იზოლატორში იმავე ღამეს გამოკითხა, რომელმაც პოლიციის თანამშრომლების მიერ მის მიმართ განხორციელებული ძალადობის თაობაზე ისაუბრა და დაკავების გარემოებები აღწერა.დროებითი მოთავსების იზოლატორში დაკავებულის მოთავსების შემდეგ, სხეულზე ძალადობის შესაძლო კვალის დაფიქსირების მიზნით, გ. მ.-ს მიმართ სასამართლო-სამედიცინო ექსპერტიზა დაინიშნა, რომლის ფარგლებშიც, იგი ლ. სამხარაულის სახელობის სასამართლო ექსპერტიზის ეროვნული ბიუროს ექსპერტის მიერ პირადად იქნა შემოწმებული.სასამართლოს განჩინების საფუძველზე, შინაგან საქმეთა სამინისტროს საზოგადოებრივი უსაფრთხოების მართვის ცენტრ ,,112’’-დან გამოთხოვილი იქნა ქ. თბილისის პოლიციის დეპარტამენტის გლდანი-ნაძალადევის მთავარი სამმართველოს მე-9 სამმართველოს შენობის შიდა და გარე პერიმეტრზე განთავსებული ვიდეოკამერების ჩანაწერები, თუმცა, მათ შორის არ აღმოჩნდა იმ ვიდეოკამერის ჩანაწერი, რომლის დაფარვის არეალშიც მოექცეოდა პოლიციის შენობაში გ.მ.-ს ადმინისტრაციული წესით დაკავების გარემოებები. აღნიშნულის შემდგომ, სასამართლოს განჩინების საფუძველზე, ამოღებული იქნა მე-9 სამმართველოში განთავსებული ვიდეოჩამწერი მოწყობილობა (DVR), საიდანაც გამოძიებისთვის საინტერესო ვიდეო ჩანაწერის მოხსნა/ფიქსაციის/აღდგენის მიზნით, საინფორმაციო-ტექნოლოგიური ექსპერტიზა დაინიშნა. გარდა ამისა, დათვალიერდა მე-9 სამმართველოს შენობა და მისი მიმდებარე ტერიტორია, რა დროსაც იდენტიფიცირებული იქნა გამოძიებისთვის საინტერესო ლოკაციაზე განთავსებული კერძო პირის საკუთრებაში არსებული ვიდეოკამერები. მოსამართლის განჩინების საფუძველზე, გამოთხოვილი იქნა აღნიშნული ვიდეოკამერების ჩანაწერები, რასთან დაკავშირებითაც, ჩანაწერების ხარისხის გაუმჯობესების მიზნით, ვიდეო ექსპერტიზა დაინიშნა. სპეციალური საგამოძიებო სამსახურის მიერ, მომხდარ ფაქტთან დაკავშირებით შსს გლდანი-ნაძალადევის მთავარი სამმართველოს მე-9 სამმართველოს 11 თანამშრომელი გამოიკითხა, მათ შორის ამავე სამმართველოს უფროსის მოადგილე. გამოკითხული პოლიციის თანამშრომლების მიერ მოწოდებული ინფორმაციით, მოქალაქე გ.მ.-ს მიმართ ადგილი არ ჰქონია რაიმე სახის ძალადობის და სხვაგვარი უკანონო მოპყრობის ფაქტს და მისი ადმინისტრაციული წესით დაკავება პოლიციის თანამშრომლების მიმართ სიტყვიერი შეურაცხყოფის მიყენების ფაქტზე მოხდა.სისხლის სამართლის საქმეზე გამოძიება გრძელდება, ტარდება ყველა საჭირო საგამოძიებო და საპროცესო მოქმედება ობიექტური, სრულყოფილი და ყოველმხრივი გამოძიების უზრუნველყოფის მიზნით. სპეციალური საგამოძიებო სამსახური გამოთქვამს მზადყოფნას, განმცხადებლის საქმეში ჩართულობის და გამოძიების მეტი გამჭირვალობის უზრუნველსაყოფად, გ. მ.-ს ინტერესების დამცველ ადვოკატს მისცეს სისხლის სამართლის საქმესთან წვდომის და საქმის მასალების გაცნობის შესაძლებლობა.

praim hausi

ტაბლოიდი 1653324066

VIDEO: „დღეიდან მე ვარ ბოსი!“ - ნახეთ რა მეთოდებით იბრძვიან კონკურსანტები „პრაიმ ჰაუსში“ პირველობისთვის

„პრაიმ ჰაუსში“ კონკურსანტებს შორის კონკურენციის გამოხატვის მეთოდები უფრო აქტიურ ფაზაში გადადის. ერთი სახლის ბინადრები, ერთმანეთისგან მკვეთრად განსვავებული ახალგაზრდები :გადარჩენისთვის“ თავისებური მეთოდებით იბრძვიან.  ნახეთ რა მეთოდებით აპირებენ თავის გადარჩენას, რომ პროექტიდან არ გავარდნენ.

მკვლელობა კახეთში

სამართალი 1653321998

მამაკაცს, რომელმაც სოფელ აკურაში 1 პირი მოკლა, ორი კი დაჭრა, პატიმრობა დაუსწრებლად შეუფარდა

მამაკაცს, რომელმაც სოფელ აკურაში 1 პირი მოკლა, ორი კი დაჭრა, პატიმრობა დაუსწრებლად შეუფარდა. გადაწყვეტილება თელავის რაიონულ სასამართლოში, რამდენიმე წუთის წინ გამოცხადდა.მოსამართლემ სრულად დააკმაყოფილა პროკურატურის შუამდგომლობა, რომელიც აღკვეთის ღონისძიების სახით, პატიმრობას ითხოვდა.მანამდე, ბრალდების მხარემ, მამაკაცს ბრალი დაუსწრებლად წარუდგინა და შესაბამისი დადგენილება, სახაზინო წესით დანიშნულ ადვოკატს გააცნო.ადვოკატმა, მედიასთან კომენტარის გაკეთებაზე უარი განაცხადა.გამოძიება სოფელ აკურაში მცხოვრებ მამაკაცს, 21 მაისს ჩადენილ მკვლელობას და მკვლელობის მცდელობას ედავება.ბრალის დადგენილების თანახმად, ბრალდებულმა, ურთიერთშელაპარაკების ნიადაგზე, სანადირო თოფიდან გასროლით მოკლა ერთი პირი, დაჭრა გარდაცვლილის ძმა და შემთხვევით, საკუთარი შვილიც.გამოძიება მომხდარ ფაქტზე, სისხლის სამართლის კოდექსის 19, 109-ე მუხლის 3- ე ნაწილით მიმდინარეობს.ბრალდებული მიმალვაში იმყოფება და მას სამართალდამცველები ამ დრომდე ეძებენ.

მკვლელობა

სამართალი 1653321736

მეუღლის განზარახ მკვლელობაში ბრალდებულის საქმეზე პროკურატურა განცხადებას ავრცელებს

საზოგადოებრივ ტრანსპორტში მეუღლის განზრახ მკვლელობაში ბრალდებულ როინ მებონიას საქმის პროკურორის, გიორგი ქობულაძის განცხადებით მოკლულ სოფო კვარაცხელიას კისრის არეში დაახლოებით, 10 ჭრილობა ჰქონდა მიყენებული.როგორც პროკურორი განმარტავს, ეს არის პირველადი დათვალიერებით მიღებული შედეგი, ექსპერტიზის ჩატარების შემდეგ კი, შესაძლოა, რაოდენობა კიდევ უფრო გაიზარდოს.“ამ ეტაპზე არის თვითმხილველი პირების ჩვენებები, რომლებიც ავტობუსში იმყოფებოდნენ. ერთ-ერთმა მათგანმა მოახერხა და ფაქტის ნაწილი ტელეფონის მეშვეობით გადაიღო, ეს მასალაც ჩვენ მიერ გამოთხოვილია. ასევე, ავტობუსი აღჭურვილი იყო ვიდეოსამეთვალყურეო სისტემით, ჩვენი მიმართვის საფუძველზე, ეს მასალა დაარქივებულია და უახლოეს დღეებში მისი გამოთხოვა მოხდება.ამის შემდეგ ველოდებით ექსპერტიზის დასკვნას.ვიდეოში ჩანს მონაკვეთი, როცა ბრალდებული გარდაცვლილის მიმართ დანის დარტყმას ახორციელებს და როგორც ირკვევა ძალიან ბევრი დარტყმა იყო, ეს ვიდეოკადრი რამდენიმე წამიანია, ამ კადრში მთლიანი ქმედება არ ჩანს, თუმცა, ქმედების ნაწილი ჩანს.ამ ეტაპზე რაც იკვეთება, ტრანსპორტში წინარე კონფლიქტი სახეზე არ იყო, თუმცა, ყველა მოწმე დაკითხული არაა, ტრანსპორტში არსებული კამერა ჯერ დათავლიერებული არ არის, საიდანაც ზუსტად გავიგებთ, აღნიშნულს კონფლიქტი უძღოდა თუ არა წინ. ერთად მგზავრობდნენ, ეს არ იყო შემთხვევითი შეხვედრა”, – განაცხადა ქობულაძემ.მისივე განმარტებით, ბრალდებულს ფსიქიატრიული ექსპერტიზა ჩაუტარდება.“რაც შეეხება მის ფსიქიკურ მდგომარეობას, როცა საქმე მკვლელობას ეხება, ყოველთვის ჩნდება ეჭვი დანაშაულის სიმძიმიდან, რამდენად იყო ფსიქიკურად ჯანმრთელი ამ დანაშაულის ჩამდენი პირი. ამდენად, ნებისმიერი მკვლელობის საქმეზე ფსიქიატრიული ექსპერტიზა ინიშნება, შესაბამისად, მოცემულ საქმეზეც დაინიშნება.ბრალდებულს ბრალი ედება არასრულწლოვანი ორი შვილის – მისი და გარდაცვლილი მეუღლის საერთო შვილების თანდასწრებით დანაშაულის ჩადენაში.რაც შეეხება ჭრილობებს, საუბარია, დაახლოებით, 10 ჭრილობაზე, თუმცა, ეს არის პირველადი დათვალიერების შედეგი და შესაძლოა, ექსპერტიზის დასკვნის მიღების შემდეგ. ჭრილობების უმეტესობა ყელის არეშია”,- განაცხადა ქობულაძემ.

სკოლა

განათლება 1653319860

მშობელთა საყურადღებოდ! 24 მაისს, პირველკლასელთა რეგისტრაცია იწყება - ნახეთ, როგორ უნდა დაარეგისტრიროთ ბავშვი სკოლაში

პირველკლასელთა საყოველთაო ელექტრონულ რეგისტრაციას  საქართველოს განათლებისა და მეცნიერების სამინისტრო 24 მაისს, დილის 09:00 საათიდან იწყებს, რომელიც 15 ივნისს, დღის ბოლოს დასრულდება.როგორც განათლების სამინისტროს მიერ გავრცელებულ განცხადებაშია აღნიშნული, რეგისტრაციას ბავშვის მშობელი ან მისი კანონიერი წარმომადგენელი განათლების მართვის საინფორმაციო სისტემის ოფიციალური ვებგვერდის – registration.emis.ge – მეშვეობით ელექტრონული ფორმით უზრუნველყოფს (საყოველთაო რეგისტრაციის ინსტრუქცია – https://mes.gov.ge/mesgifs/1653291639_Instruqcia%202022.pdf).ბავშვის რეგისტრაციისთვის აუცილებელი დოკუმენტაციის წარდგენა სკოლებში 2022 წლის 16 ივნისიდან 30 ივნისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში რეგისტრაცია ავტომატურად გაუქმდება.საქართველოს ზოგადსაგანმანათლებლო დაწესებულებაში მოსწავლის პირველ კლასში ჩასარიცხად წარსადგენი აუცილებელი დოკუმენტების ნუსხა: მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას;  მოსწავლის დაბადების მოწმობის ან პირადობის დამადასტურებელი დოკუმენტის ასლი ან საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში); კანონიერი წარმომადგენლის პირადობის დამადასტურებელი მოწმობის ასლი ან საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. შეგახსენებთ, რომ „ზოგადი განათლების შესახებ კანონში“ შესული ცვლილების გათვალისწინებით, 2022-2023 სასწავლო წელს პირველ კლასში განხორციელდება იმ ბავშვების ჩარიცხვაც, რომელთაც 6 წელი პირველ ოქტომბრამდე უსრულდებათ. აღნიშნული გადაწყვეტილება საქართველოს განათლებისა და მეცნიერების სამინისტროსა და პარლამენტის განათლებისა და მეცნიერების კომიტეტის ერთობლივი გადაწყვეტილებით, მოქალაქეთა თხოვნის საფუძველზე იქნა მიღებული.III ეტაპის – საყოველთაო ელექტრონული რეგისტრაციის დასრულების შემდეგ, 4 ივლისიდან 12 ივლისის ჩათვლით სკოლებში რეგისტრაციის IV ეტაპი დაიწყება.ამ ეტაპზე გამოთავისუფლებულ ვაკანტურ ან დარჩენილ თავისუფალ ადგილებზე მოხდება იმ მოსწავლეების რეგისტრაცია, რომლებიც ვერ დარეგისტრირდნენ I, II და III ეტაპებზე, ან რეგისტრაციის შეცვლა სურთ.საქართველოს განათლებისა და მეცნიერების სამინისტრო მშობლებს მოუწოდებს, ყურადღებით გაეცნონ რეგისტრაციის ვადებს და პირობებს, რათა ბავშვის სკოლაში შეყვანა დროულად და შეუფერხებლად შეძლონ.