დაღუპულია 2 წლის ბავშვიც... - ძლიერ სიცხეს, ესპანეთსა და იტალიაში, მსხვერპლი მოჰყვა

ბოლო რამდენიმე საათის განმავლობაში სარდინიაზე ორი ადამიანი გარდაიცვალა, რომლებიც კუნძულზე დამყარებული ანომალიური სიცხის გამო სანაპიროზე მოულოდნელად ავად გახდნენ.

პირველი ტრაგედია ბუდონიში, სარდინიის ჩრდილო-აღმოსავლეთ სანაპიროზე მოხდა. 75 წლის მამაკაცს ზღვის სანაპიროზე ყოფნისას ცუდად გახდა. 118-ის თანამშრომლები სწრაფად მივიდნენ ადგილზე, სასწრაფო დახმარების ბრიგადისა და Areus-ის ვერტმფრენის მხარდაჭერით, თუმცა მამაკაცის სიცოცხლე ვერ იხსნეს. 

იქვე, სან ტეოდოროში, ლუ იმპოსტუს სანაპიროზე, მსგავსი ეპიზოდი მოხდა. 60 წლის მამაკაცი, რომელიც ასევე სანაპიროზე იმყოფებოდა, უეცრად ავად გახდა და მიწაზე დაეცა. 118-ის პარამედიკოსები სწრაფად ჩაერივნენ, მაგრამ ამ შემთხვევაშიც კი, რეანიმაციის ყველა მცდელობა უშედეგო აღმოჩნდა.

ბოლო დღეებში სარდინიაში ძლიერი სიცხეა, ტემპერატურა 40 გრადუსს აჭარბებს. განსაკუთრებით მკაცრი კლიმატური პირობები ზეწოლას ახდენს ყველაზე დაუცველი ადამიანების ჯანმრთელობაზე, ზრდის სითბური კოლაფსისა და ფატალური გართულებების რისკს.

ეს ორი ტრაგედია კიდევ ერთხელ ადასტურებს მცხუნვარე მზის საფრთხეს, განსაკუთრებით მათთვის, ვინც დიდი ხნის განმავლობაში მზის პირდაპირ სხივებზე იმყოფება.

ტრაგედია, მოხდა ესპანეთშიც, რომელიც ძლიერმა სიცხემ გამოიწვია. კატალონიაში, ქალაქ ვალსში ორი წლის ბავშვი მცხუნვარე მზის ქვეშ, მანქანაში ოთხი საათის გატარების შემდეგ გარდაიცვალა.

პირველადი ინფორმაციით, მამა სამსახურში წავიდა და ბავშვი ქალაქის სამრეწველო ზონაში გაჩერებულ მანქანაში დაავიწყდა. ამ დროს გარეთ ტემპერატურა 36 გრადუსს აღწევდა, მანქანაში კი, სავარაუდოდ, გაცილებით მაღალი იყო, რამაც ბავშვისთვის სასიკვდილო გარემო შექმნა.

განგაში გამვლელმა ატეხა, რომელმაც მანქანაში უგონო მდგომარეობაში მყოფი ბავშვი შენიშნა.

მამა, რომლის ადგილსამყოფელიც მალევე იპოვეს, ადგილობრივ კომპანიაში მუშაობდა. გაფრთხილების მიღების შემდეგ, ის შემთხვევის ადგილზე გაიქცა, მაგრამ შვილის გადასარჩენად ვერაფერი გააკეთა. სასწრაფო დახმარების პერსონალს მხოლოდ სიკვდილის დადასტურება შეეძლო.
მიზეზი - სითბური დარტყმა.
მიუხედავად იმისა, რომ გაკვეთა გარდაცვალების ზუსტ მიზეზს გამოავლენს, ყველა მინიშნება იმაზე მიუთითებს, რომ ეს სითბური დარტყმა იყო, რაც გამოწვეული იყო დახურულ მანქანაში მზეზე დიდი ხნის განმავლობაში ყოფნით.

გარეთ ტემპერატურა უკიდურესად მაღალი იყო და სალონში პირობები აუტანელი ხდებოდა, განსაკუთრებით ასეთი პატარა ბავშვისთვის.

მსგავსი ტრაგედიები ხაზს უსვამს ბავშვების მანქანაში რამდენიმე წუთითაც კი დატოვების საფრთხეებს, განსაკუთრებით წლის ყველაზე ცხელ დღეებში და სიფრთილისკენ გვიბიძგებს.