1745863963
კანადის პრემიერ-მინისტრმა მარკ კარნიმ პირველი განცხადება გააკეთა მას შემდეგ, რაც ლიბერალურმა პარტიამ არჩევნებში გაიმარჯვა. კარნის განცხადებას Reuters-ი ციტირებს.
სიტყვით გამოსვლისას მარკ კარნიმ კანადისა და ამერიკის შეერთებული შტატების ურთიერთობებზე ისაუბრა.
კარნიმ შეერთებული შტატების პრეზიდენტის, დონალდ ტრამპის მიერ გაკეთებულ განცხადებაზე გაამახვილა ყურადღება, რომლის თანახმადაც „კანადა შეერთებული შტატების 51-ე შტატი უნდა გახდეს“.
„ჩვენი ძველი ურთიერთობა შეერთებულ შტატებთან, დასრულდა. შეერთებულ შტატებზე ორიენტირებული ღია გლობალური სავაჭრო სისტემა, რომელსაც კანადა მეორე მსოფლიო ომის შემდეგ ეყრდნობოდა, დასრულდა“, - განაცხადა მარკ კარნიმ.
მან ამჟამინდელ სიტუაციას „ტრაგედია“ უწოდა და დასძინა, რომ „ეს ჩვენი ახალი რეალობაა“.
კარნის თქმით, მომდევნო თვეები რთული იქნება.
ინფორმაციისთვის, კანადაში საყოველთაო ვადამდელ არჩევნებში მოქმედი პრემიერ-მინისტრის, მარკ კარნის „ლიბერალურმა პარტიამ” გაიმარჯვა.
კარნის პარტიამ 167 ადგილი მოიპოვა, უმრავლესობისთვის კი 172 ადგილია საჭირო.
