ჩეხეთის საპარლამენტო არჩევნებში მილიარდერმა ბიზნესმენმა, ყოფილმა პრემიერ-მინისტრმა ანდრეი ბაბიშმა გაიმარჯვა

წინასწარი შედეგების მიხედვით, ჩეხეთის საპარლამენტო არჩევნებში მილიარდერმა ბიზნესმენმა, ქვეყნის ყოფილმა პრემიერ-მინისტრმა ანდრეი ბაბიშმა გაიმარჯვა, თუმცა მისმა პოპულისტურმა პარტია ANO-მ ვერ მოიპოვა აბსოლუტური უმრავლესობა.

პროგნოზების მიხედვით, ANO-მ ხმათა თითქმის 35% მიიღო, რაც 200-ადგილიან ქვედა პალატაში 81 ადგილს უდრის.

როგორც „ბიბისი“ წერს, ანდრეი ბაბიშმა ახლა უნდა შეკრიბოს კოალიცია ხელისუფლებაში დასაბრუნებლად. „ბიბისის“ ცნობით, ბაბიში მოლაპარაკებებს დაიწყებს ორ მცირე მემარჯვენე პარტიასთან. ბაბიშს უმრავლესობისთვის ორივე პარტიასთან ალიანსი სჭირდება.